Cynorthwyydd Addysgu Lefel 2 - Ysgol y Strade

Cyflog: £26,607 - £27,459

Ynglŷn â'r swydd wag

Cyfeirnod y Swydd Wag: 3514

Sefydliad:

Ysgolion

Nifer y swyddi gwag:

3

Math o gontract:

Dros Dro/Secondiad - Yn Ystod y Tymor yn Unig

Dyddiad gorffen y contract:

31 Awst 2027

Lleoliad:

Sir Gaerfyrddin

Gradd:

Gradd D +4%

Cyflog:

£26,607 - £27,459

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr:

£13.79 - £14.32

Oriau Contract:

27awr 30mun

Dewch i ymuno â'n tîm

•Cyflog: Gradd D + 4% (Swydd cytundeb blwyddyn yn y lle cyntaf) *pro rata*
•27.5 awr yr wythnos, amser tymor yn unig ac yn cynnwys dyddiadau hyfforddiant mewn swydd.
•Dyddiad dechrau: Medi 1af 2026.

Bydd yr ymgeisydd llwyddiannus yn gweithio gydag unigolion a grwpiau o ddisgyblion ymhob rhan o'r ysgol yn unol â gofynion yr adran Anghenion Dysgu Ychwanegol.

Prif gyfrifoldebau'r swydd yw darparu addysg ar gyfer disgybl/ion sydd ac anghenion dysgu dwys yn ôl yr adnoddau a ddarperir gan yr Awdurdod Addysg a gofynion datganiad y disgybl/ion unigol. Mae'r gofynion hyn yn newid o bryd i'w gilydd.

Telir cyflog ar raddfa gyflog Cynorthwywyr Gofal a Chynnal Addysgu Lefel 2 (pro-rata) amser tymor yr ysgol.

Hysbysir ymgeiswyr am un elfen o "Ddatganiad ysgol ar Recriwtio a Phenodi Staff" sef yr angen i ymgeiswyr llwyddiannus ddangos copïau gwreiddiol o dystysgrifau, a chymwysterau.

Bydd y Cynorthwywr/wraig Cynnal Addysgu Lefel 2 yn gweithio fel rhan o dim Anghenion Dysgu Ychwanegol yr ysgol dan arweiniad cydlynydd yr adran. Gweler disgrifiad swydd am fanylion pellach neu am sgwrs anffurfiol, cysylltwch gyda Mrs Hannah Williams, CADY ar rif yr ysgol 01554-745100.

Disgrifiad Swydd:

Teaching Assistant Level 2-L5-4 Cymraeg-English.pdf - 326KB ~~EFORM_FILE_NEW_WINDOW~~

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 5 - Bydd angen ichi allu cyfathrebu'n rhugl yn y Gymraeg. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 10/08/2026, 23:55

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol.

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Hawl i weithio: Rhaid i bob cyflogwr yn y DU gynnal gwiriad Hawl i Weithio cyn i weithiwr newydd ddechrau gwaith. Mae hyn yn ofyniad cyfreithiol o dan Ddeddf Mewnfudo, Lloches a Chenedligrwydd 2006 ac mae'n berthnasol i bob gweithiwr, waeth beth fo'u cenedligrwydd.

Gofynnir i bob ymgeisydd am ei genedligrwydd ac a ganiateir iddo weithio yn y Deyrnas Unedig yn gyfreithlon. Pwrpas hyn yw cadarnhau a ydych yn gymwys i wneud cais am y swydd wag ac i weithio i'r Cyngor neu ei sefydliadau partner.

Mae gan Gyngor Sir Caerfyrddin drwydded nawdd ddilys. Fodd bynnag, rhaid i ymgeiswyr sydd angen nawdd o dan y llwybr Gweithiwr Medrus fodloni'r holl feini prawf cymhwysedd a nodir gan Lywodraeth y DU o dan y system fewnfudo sy'n seiliedig ar bwyntiau. Cyn cyflwyno cais, dylech wirio a yw'r rôl yn bodloni'r meini prawf cymhwysedd yng nghanllawiau Llywodraeth y DU: Skilled Worker visa: Overview - GOV.UK . Sylwer: Os nad ydych chi'n bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach nad ydych chi'n gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.